Oustad
دير برنامجك طلع التطبيق طلع التطبيق

بشحال الاشتراك، وكيفاش تخلص

زوج اشتراكات وخمس خطوات. ابعث وصل واضح، الحساب تاعك يتحل ديريكت.

بشحال؟

اشتراك بالشهر

1,000 دج

في الشهر
باس حتى الباك

6,000 دج

دفع مرة وحدة، صالح حتى 30 جوان 2027 تخلص حق 6 أشهر ويبقى يمشي معاك حتى للباك.

التطبيق يبقى باطل كل يوم، والاشتراك يزيدلك هادو:

  • طاقة بلا حدود، دير دروس، كويز وتمارين بلا حساب
  • تخيّر محور الكويز اللي راك حاب تخدمو
  • السكانر : صوّر تمرين الكراس، محلول خطوة بخطوة

السومة هي هي، تخلص انت ولا يخلص عليك واحد آخر، وما تسحقش بطاقة بنكية. وإذا يخلص عليك واحد آخر، خير « واحد آخر يخلص عليا » لتحت.

واش هي الحالة تاعك؟
كيفاش راح تخلص؟
  1. 1

    افتح الرابط تاعك من المراسلة

    في التطبيق، روح لـ « حسابي » ومبعد « راسل أستاذ ». لتما تصيب رابط الدفع تاعك، عبز عليه وتتحل الصفحة في Safari. مازال ما كاش رابط، ولا خلاص وقتو؟ اكتبلنا في نفس المراسلة ونبعثولك واحد. تقدر تخلص ثاني من كمبيوتر في platform.oustad.app بنفس الحساب.

    افتح صفحة الاشتراك في التطبيق

    ادخل لتطبيق Oustad وروح لصفحة الاشتراك وعبز على « كمّل ».

    ابعث الرابط للي راح يخلص

    في Android، في صفحة الاشتراك عبز على « كمّل » وخير الاشتراك، ومبعد تحت « شكون يخلّص؟ » عبز على « يخلّص عليا واحد آخر » ومن بعد « ارجع للتطبيق باش تبعث الرابط ». يتحل WhatsApp برسالة واجدة فيها المبلغ والرابط. في iPhone، ابعثلو الرابط لي لحقك في « المراسلة ». الرابط يخدم 7 أيام.

    افتح الرابط تاعك من المراسلة
    افتح صفحة الاشتراك في التطبيق
    ابعث الرابط للي راح يخلص
  2. 2

    خير الاشتراك تاعك

    في الصفحة، خير « اشتراك بالشهر » ولا « باس حتى الباك » وعبز على « كمل للدفع ».

    خير الاشتراك تاعك ومبعد شكون يخلّص

    تتحل صفحة، خير « اشتراك بالشهر » ولا « باس حتى الباك » وعبز على « كمّل ». تحت « شكون يخلّص؟ »، عبز على « نخلّص أنا »، مبعد خير BaridiMob ولا CCP وعبز على « كمّل في التطبيق ». وإذا واحد آخر يخلّص عليك، عبز على « يخلّص عليا واحد آخر » في بلاصتها.

    يشوف الاشتراك والمبلغ

    الرابط يحل صفحة فيها اسمك، بلا ما يحل حساب. إذا خيرت الاشتراك من قبل، يبان بالمبلغ تاعو ويقدر يبدلو. وإذا لالا، يخير « اشتراك بالشهر » ولا « باس حتى الباك » ويعبز على « كمل للدفع ».

    خير الاشتراك تاعك ومبعد شكون يخلّص
    خير الاشتراك تاعك
    يشوف الاشتراك والمبلغ
  3. 3

    الصفحة تبينلك وين تخلص

    في نفس الصفحة، عبز على « تحويل BaridiMob » ويبانلك الـ RIP. عبز على « كوبي » باش تنسخو.

    في نفس الصفحة، عبز على « دفع CCP في مكتب البريد » واكتب رقم الـ CCP والمفتاح وصاحب الحساب.

    خبي الرابط تاعك، هاد المعلومات يبقاو في الصفحة 7 أيام.

    التطبيق يبينلك وين تخلص

    كي تولي للتطبيق، صفحة الاشتراك تمدلك الـ RIP في « فيرمو BaridiMob ». عبز على « كوبي » باش تنسخو.

    كي تولي للتطبيق، في « كاش فالبوسطة CCP » اكتب رقم الـ CCP والمفتاح وصاحب الحساب.

    المعلومات يبقاو في صفحة الاشتراك تاع التطبيق.

    الصفحة تبينلو وين يخلص

    في نفس الصفحة، « تحويل BaridiMob » تبين الـ RIP، مع « كوبي » باش ينسخو.

    في نفس الصفحة، « دفع CCP في مكتب البريد » تبين رقم الـ CCP والمفتاح وصاحب الحساب.

    المعلومات يبقاو في صفحة الرابط 7 أيام.

    التطبيق يبينلك وين تخلص
    التطبيق يبينلك وين تخلص
    الصفحة تبينلك وين تخلص
    الصفحة تبينلك وين تخلص
    الصفحة تبينلو وين يخلص
    الصفحة تبينلو وين يخلص
  4. 4

    دير التحويل بنفس المبلغ

    في BaridiMob، ابعث تحويل للـ RIP بنفس المبلغ لي بانلك. ومبعد حمل الوصل، ولا صور الشاشة وين يبان المبلغ.

    خلص في الشباك

    في مكتب البريد، عمر استمارة دفع برقم الـ CCP، المفتاح والمبلغ. خلص في الشباك واستحفظ بالوصل لي فيه الختم.

  5. 5

    ابعث الوصل من نفس الصفحة

    مور ما دير التحويل، عاود افتح الرابط تاعك، عبز على « ابعث الوصل » وخير تصويرة ولا PDF تاع الوصل. الحساب تاعك يتحل ديريكت.

    ابعث الوصل من التطبيق

    مور ما دير التحويل، في صفحة الاشتراك تاع التطبيق، عبز على « ابعث الوصل » وخير تصويرة ولا PDF تاع الوصل. الحساب تاعك يتحل ديريكت.

    يبعث الوصل من الرابط

    مور ما يدير التحويل، يعاود يفتح الرابط، يعبز على « ابعث الوصل » ويخير تصويرة ولا PDF تاع الوصل. الحساب تاعك يتحل ديريكت.

    الحساب تاعك يتحل ديريكت

    كي يكون الوصل باين وفيه المبلغ الصحيح، الحساب تاعك يتحل في دقيقة. ارجع للتطبيق، تلقاه محلول.

    يلا كان الوصل ما يبانش مليح، نراجعوه بيدنا ونحلوا الحساب تاعك غير نتأكدوا منو.

    الحساب يتحل ديريكت

    كي يكون الوصل باين وفيه المبلغ الصحيح، الحساب تاع التلميذ يتحل في دقيقة. ما كاين والو آخر يندار.

    يلا كان الوصل ما يبانش مليح، نراجعوه بيدنا ونحلوا الحساب غير نتأكدوا منو.

    ابعث الوصل من التطبيق
    ابعث الوصل من التطبيق
    ابعث الوصل من نفس الصفحة
    ابعث الوصل من نفس الصفحة
    يبعث الوصل من الرابط
    يبعث الوصل من الرابط

14 يوم باش تبدل رايك

الدفعة الأولى تاعك ترجع في 14 يوم مور ما يتفعّل الحساب، للحساب لي خلصت بيه. اكتبلنا في « المراسلة » ونبعثولك زر الاسترجاع، وبعد الاسترجاع الحساب يتسكّر نهائيا.

بلا بطاقة بنكية، تحويل عادي من البريد

الوصل لي يحل الحساب تاعك

هادا مقبول
الوصل تاع BaridiMob، المبلغ، التاريخ واسم المستفيد كامل باينين.
هادا مرفوض
شاشة نجاح بلا مبلغ، ما نقدروش نعرفو بلي هادا الدفع تاعك.
هادا مقبول
الوصل لي فيه الختم تاع البوسطة، والمبلغ يتقرا فيه.
هادا مرفوض
تصويرة مضببة ولا مقطوعة وين ما يتقراش المبلغ.
  • نفس المبلغ تاع الاشتراك تاعك.
  • وصل من الطريقة لي خيرت تخلص بيها.
  • دفع جديد، درتو على جال هاد الاشتراك.

يلا حصلت كاش حاجة

خلصت والحساب تاعي مزال مغلوق

إذا بعثت الوصل، الحساب يتحل وحدو غير نشوفوه. إذا مازال، ابعثو من صفحة الرابط في iPhone، ولا كي واحد آخر يخلص عليك ولا من صفحة الاشتراك تاع التطبيق في Android. مازالك حاصل؟ اكتبلنا في « المراسلة » تاع التطبيق.

الوصل تاعي ترفض

ابعث وصل جديد يبان فيه المبلغ، الوصل تاع BaridiMob ولا وصل البوسطة لي فيه الختم، من صفحة الاشتراك تاع التطبيق ولا من نفس الرابط. مور ما نرفضو وصل، نراجعو الوصل الجاي بيدنا قبل ما نحلوا الحساب.

راحلي الرابط

في iPhone، الرابط تاعك راه في « المراسلة »، وإذا خلاص وقتو، اكتبلنا لتما ونبعثولك واحد جديد. في Android، عاود ادخل لصفحة الاشتراك وعبز على « يخلّص عليا واحد آخر » باش تبعث رابط جديد. إذا بعثتو لواحد، شوف في محادثة WhatsApp وين بعثتو. الرابط الجديد يحل نفس الدفع، ما راحش تخلص زوج مرات. وإذا واحد بعثلك رابط وخلاص وقتو، اطلب رابط جديد من عند لي بعثهولك.

كاش واحد يخلص عليا

ابعثلو الرابط. يخلص من التليفون تاعو، بلا حساب، ويبانلو غير اسمك. غير يبعث الوصل، الحساب تاعك يتحل.

مزالك حاصل؟ اكتبلنا في support@oustad.app ولا من الدعم في التطبيق.